Tannie Poppie se Dadelballetjies

As jy eers begin eet hieraan kan jy nie ophou nie. Dis dodelik lekker! 

Bron: Sarie Plasing: Henriette Wessels / WATERTAND RESEPTE VIR OUD EN JONK - *Myne het ‘n meer caramel consistency gekry op die ou end! Seker omdat ek langer moes roer om die suiker gesmelt te kry. En roer maar gereeld!

Sowat 50 balletjies
230 g (250 ml) botter, in blokke gesny
200 g (250 ml) suiker
500 g dadels, fyngesny
2 x 200 g-pakkies Marie-beskuitjies, fyngemaak (ek het 1 pakkie gebruik)
10 ml vanieljegeursel (of caramel essence)
sowat 100 g fyn klapper

METODE:
Plaas botter en suiker in ’n kastrol. Smelt oor lae hitte tot suiker opgelos is. Voeg dadels by en kook oor lae hitte tot dadels gesmelt is. Vat ‘n paar minute maar dan raak dit so 'n "gooey consistency" en ruik soos dadels!

Roer elke nou en dan. Voeg fyngemaakte beskuitjies en vanieljegeursel by. Roer goed. Trek van die plaat af. Wag ‘n paar minute tot dit effens afgekoel het!  

Gebruik ’n 15 ml-maatlepel en skep van die vulsel in jou hand. Rol in balletjies en rol onmiddellik in klapper. Herhaal tot dadelmengsel op is. Bêre balletjies in lugdigte houers.